Quote
Do sprzedanio mom Forda Mondeo dizel w kombiku.
Je to motor dwa litry na ropa, mo 130 koni. Przebiegu mo 177.500km. Kupiył żech se go oński rok, był skludzony z nimiec łod piyrszego właściciela. Jak żech go kupowoł to nimioł żodnego umfalu (tak mi padoł tyn na komisie), jo żech też nic nie napłochoł. Kupiył żech go z przebiegym 150.000. Bez te kilometry dołech zrobić wtryski, som zregenyrowane (dołech za to 2,500zł), Taqrcze i klocki z przodku, klocki ze zadku, kuglagry z prawyj strony (przodek i zadek), łonczniki stabilizatora, świyce żarowe, zawor łod turba, olyj i filtry wymiyniłech przi 165.000km. Zimowki w zeszło zima żech kupiył, letnich nimom. Dycko w sobota żech go mył gombkom a ni na tych szczotkach, beztoż laker je fajny i sie blyszczy. Trocha tam je zderzak poszkyrtany ale ni fest, zresztom jaki małe felery by sie tam kaj jeszcze znojdło, ale nojważniejsze że mechanicznie piyknie chodzi. Rozrzond je na łańcuchu, nie trza miynić. Bajerow tam mo kupa, klima chyba nojważniejszo teraz. Hok jak by kiery na co potrzebowoł też je. Jak byście chcieli sie oco popytać to dzwońcie. Jak go nie chcesz kupić to nie dzwoń z pierdołami.
Quote
Dodano 2011-06-11 07:59
Do przodku mo 6 biegow (te słabsze miały 5, ale to i tak je dość fyrlanio). Dodano 2011-06-11 18:02
Tyn zderzak to ze zadku je poszkyrtany (ni dugnyte yno od taszow abo od czego tam..), to jeszcze zostało po tym chopie co go mioł przedymnom. Chyba do Aldika na wielki zakupy jeździył.
Hok je łodpinany.
Ja, po polsku tyż poradza.
Quote
Dodano 2011-06-12 10:38
Olyj żech loł Mobil1 5W30 ESP.
Ropa przeważnie na Statoilu ta lepszo, bo myni poli niż zwykłej.
Jak kiery mo jaki myjsze auto z klimom i automatym (do mojij baby) - ale ni jaki stary hebel- to mi na mejla poślijcie jaki zdjyńća i napisane co to tam je, mono by my co pomiynili. Najlepij żeby nie było droksze od mojigo.
Quote
Dodano 2011-06-12 22:53
Jedna mom proźba, jak żeś je nawalony i mosz pytać po jakimu to je napisane i chcesz dzwonić o poł jedynostej na wieczor to dej se pokoj. Jutro tyż je dziyń.
Quote
Dodano 2011-06-13 21:55
Dziękuja wszyskim za komplymynty fajnego opisu i za linki na forach.
Na 60tka z bronami niechca sie ciupnyć (moj ferguś mi styknie).
Korepetycji ze ślońskigo nie udzielom.
http://img09.allegroimg.pl/photos/400x300/16/62/35/03/1662350347http://allegro.pl/show_item.php?item=1662350347; DDDD
This post was edited by PROPERTY_OF_THE_STIG on Jun 30 2011 01:48pm