Quote (GoreKnight9 @ May 16 2014 10:09pm)
Latiatuc feleym �umtuchel mic vogmuc. ýſa pur eſ chomuv uogmuc. Menýi miloſtben terumteve eleve mív iſemucut adamut. eſ odutta vola neki paradiſumut ha�óá. Eſ mend paradiſumben uolov gimilcíctul munda nekí elnie. Heon tilutoa wt ig fa gimilcetvl. Ge mundoa nekí meret nū eneẏc. ẏſa kí nopun emdul o� gimilſ twl. halalnec halaláál hol�. Hadlaua choltat terumteve iſten tvl. ge feledeve. Engede urdung intetvinec. eſ evec o� tiluvt gimilſtwl. eſ o� gimilſben halalut evec. Eſ o� gimilſnec wl keſeruv uola vi�e. hug turchucat mige �oco�tia vola. Num heon muga nec. ge mend w foianec halalut evec. Horoguvec iſten. eſ veteve wt e� muncaſ vilagbele. eſ levn halalnec eſ puculnec fe�e. eſ mend w nemenec. Kic o�vc. miv vogmuc. Hug eſ tiv latiatuc ſ�umtuchel. iſa eſ num igg ember mulchotia e� vermut. yſa mend o�chu� iarov vogmuc. Wimagguc uromc iſten kegilmet e� lelic ert. hug iorgoſſun w neki. eſ kegiggen. eſ bulſcaſſa mend w bunet.
Eſ vimagguc ſ�en achſcin mariat. eſ bovdug michael archangelt. eſ mend angelcut. hug uimaggonoc erette. Eſ uimagguc ſ�ent peter urot. kinec odut hotolm ovdonia. eſ ketnie. hug ovga mend w bunet. Eſ vimagguc mend ſ�entucut. hug legenec nekí ſeged uromc ſcine eleut. hug iſten ív ui- madſagucmia bulſaſſa w bunet. Eſ �oboducha wt urdung ildetuitvl. eſ pucul kinzotviatwl. eſ ve�eſſe wt paradiſū nugulmabeli. eſ oggun neki munhi uru�agbele utot. eſ mend iovben re�et. Eſ keaſſatuc uromchu� charmul. Kirł.
na ezzel kenytelen vagyok egyeterteni